Bhangarh Fort our travel Experience

Updated: Apr 26



Bhangarh fort Asia's most haunted place

Mere hisab se har ek insan ki life main aisa pal aata hai jub vo kisi bhi cheej se darna chod deta hai besak vo moot hi kyu na ho.

Jub mera vo time tha us time bhangarh fort ke baare main suna ki wahan aisa kuch hai ki jo bhi wahan raat ko ruka hai wapas nahi aapaya hai loot kar, sunne ke baad main or mera doost ye plan kiya ki hum jaenge yahan or ho paya to raat bhi ruk kar aaenge.

Jaisa ki humne travel company start hi ki thi to hume itna experience nahi tha ki kitna distance kitne time main cover ho jaega to 21 September ko hum 1000 hrs par Faridabad se nikle bhangarh fort ke liye joki via alwar kuch 250 kilometers tha, hum takreeban 1700 hrs par bhangarh fort parking main pahuche, wahan parking boy ne hume parking receipt dete huye warning di ki tum bhoot late hog aye ho jaane ke liye to yaad rakhna sunset hone se pehle bahr aajana, uski ye warning humne ignore ki, fir jaise hi hum main gate par pahuche to waha par ASI(archaeological survey of India) ka board bhi laga tha ki fort main sunrise se pehle or sunset ke baad rukna illegal hai.


Hum apni car parking main park ki or camera uthaya or nikal gaye, shaam hone lagi rules ke hisab se saare logo ko bahar nikala ja raha tha, hum fort ki roof par bethe the jahan koi hume dekh nahi sakta tha, dheere dheere din dhalne laga or andere se fort ghirne laga, but pura andhere hone se jara pehle meri najar ek bache par padti hai jo ki ek pillar ke piche chupke se hume dekh raha tha, jaise hi maine use dekha to vo chip gaya mujhe aisa laga, fir maine mere sath wale bande se ye pucha ki koi stairs se upar aaya hai kya kyuki hum jahan bethe the wahan se hum stairs ko or pure fort ko ache se dekh sakte the, to usne mujhe bola kin ahi to koi nahi aaya mujhe laga ki mera bharam hoga, fir hum baatain karne lage ki raat ko kaise or kahan kahan jaenge, hum pehle hi saari jaghao ko check kar chuke the hume kuch jaghaye pata bhi thi ki raat ko kahan kahan par paranormal activities hoti hai jaisa ki bhoot logo ne bataya hai, fir achanak main usi bache ne fir pillar se thoda side hote huye hume dekha fir maine dekhne ki koshish ki to vo fir chup gaya tha or maine sath wale se bola ki kuch ho raha hai or saari baat use batai, fir humne mehsoos kiya ki mosam thoda Thanda ho raha hai or hum apne khane ka samaan, paani or tripod car main hi chod aaye the fir main bolta hun ek kaam karte hai jaldi chalet hain bahar or paani khana or tripod leke andar aajaenge jaldi.



Jaise hi hum gate par pahuchte hain to dekhte hain ki guard gate lock karke chain or lock check kar raha hota hai or hume dekhke bolta hai ki tum log kahan the tabhi main use bolta hun “hum to pehle se hi andar the” ye dialogue sunke vo thoda dar jata hai or fir thodi der main hume bahr nikal deta hai, hum use bolte hain ki hum bus paani or khana lene aaye hain bus vo leke andar ja rahe hain fir aap lock kar dena par vo hume allow nahi karta hamare bhoot request karne par bolta hai ki abhi 8 baje dusra guard aaega aap log usse puchke andar chale jaana agar jaane deta hai to, hum dusre guard ka intajaar karte rahe but koi nahi aaya fir hum khana khane ke baad thoda goan side gaye or wahan jo mila use pucha ki fort main andar jaane ka koi or rasta hai kya to hum eek ladke se pata chalta hai ki fort ka ek Darwaja hai jo 24 hours wild animals ke liye open rehta hai wahan se ja sakte ho, fir hum jaldi jaldi tripod or water bottles leke us raste par chal dete hain thodi der baad hume gate milta hai par vo gate jungle main tha or us gate ke andar jaane ke baad hume jungle paar karke fort wali road se milna tha.

Hum takreeban 1 hour chalet rehte hain but heraan karne wali baat ye thi ki jo humne din main jungle dekha tha vo 10 minute main poora cross kiya ja sakta tha but hume clock ke hisab se 1 hour ho chuka tha thoda der or chalne ke baad hume kuch wild animals ki awaaj aati hai or hum ruk jaate hain ki koi humare paas to nahi aaraha fir hum aage badhte hain takreeban 10 min baad bhoot saare bhediyo ki awaaj aati hai or hum wahan se wapas bhagne lagte hain dar se, or hum wapas gate par pahuch jaate hain fir thodi der baad main gate par khade hooke andar dekhte hain to andar bhoot saare bhediyo ki aankhen chamakti hui dikhayi deti hai.



Fir main apni height ka fayda uthta hun apne doost ko jhukne ke liye bolta hun or uski kamar par chadke deewar ko pakad leta hun or upar chad jaata hun or use bhi Cheech leta hun but jub hum deewar se niche utarke fort ki road ke liye ja rahe hote hain to hume dar lag raha hota hai ek to fort ka or dusra bhediyo ka but jaise hi hum main gate ke opposite andar pahuchte hain to dekhte hain wahan ek kutta bhi nahi hota bhedio ki to bhoot duur ki baat hai fir hum apni torch baar baar start karke thoda sa rasta dekhke bund karte huye fort tak pahuch jaate hain or chat par jaake beth jaate hain, thodi der baad jaise hi 0000 hrs ka time hota hai to hume 3 lights dikh rahi hoti hai jo fort se kaafi duur dikhai de rahi thi vo achank se bund ho jaati hai or mobile network no service mode par aajate hain, hum dar jo jaate hai but ek dusre se bolte hain ab aa hi gaye to dekhenge jo hoga,

Thodi der baad hum wahan ek purana mandir hota hai jiski murtiya bhi tuti hui hoti hai uske raste ked ono taraf do paani ke kund hai jahan sabse jyada paranormal activities hote dekha gaya hai besak din hoy a raat, hum wahan jaate hain jaise hi hum kund ke paas pahuchte hain to aisi awaaj aati hai jaise kisi ne jump kuya ho kund main humara gala suukh jaata hai dar se.

Jaise hi hum nadir ke bahr pahuchte hain to ek andar se ajeeb si light dikhayi deti hai or bahr kahi se thodi ajeeb ajeeb si awaajain sunayi deti hai, hum dono darte huye bhi kuch der or rukte hain or saari jagha dekh kar aate hain.



Takreeban 0330 hrs par jub hum bahr nikalne ke liye jaa rahe hote hain tabhi mere per kea age ek snake pada hota hai or mere sath wala banda achanak se mera hath pakadkar piche kheench leta hain mujhe, fir main apne sath wale se bolta hun ki yaar jo bhi hua dar bhi bhoot laga ajeeb cheejain dekhi ajeeb aawajen suni but hume koi harm nahi hua, fir hum bahar nikal kar 0345hrs par car se wapas ghar ke liye nikal jaate hain or fort ko chodne ke takreeban 15-20 kilometers baad kuch kilometres ka road bhoot toota hua hai jub wahan hum chal rahe hote hain to road se left side kheetoon main se koi person hamari car par light maarta hai or light hilata hai mera doost kehta hai ki sayad hume rukna cahiye kisi ko sayad koi help cahiye but main uski baat ko ignore karke car thodi teej kar leta hun wahan se bhagta hun aage kuch der baad achanak ek police ki jeep hume rokti hai or vo puchte hain ki kahan se aarahe ho hum unko galat batate hain but unko main ye batata hun ki piche koi light leke hara paas bhagen ki koshish kar raha tha sayad unko help cahiye to dekhlo aap but vo police wale hume wahan se nikal kar hamare piche hi chal padte hain aage kisi ko bhi dekhne nahi jaati.

Or aise hamara bhangarh fort ka safar puura hota hai

Main is blog main kisi ko na to ye bol raha hun ki wahan koi bhoot rehte hain but haan wahan kuch to hai jisse wahan par khoof ka mahool hai, humne to anjaane main wahan raat gujarli but aap log wahan jaane ki sochna bhi mat kyuki sach main wahan mootain hui ai bhoot.

Or haan sayad aapko in baatoon par bharosha bhi na h iske liye main kuch din ki or late night ki photos daal raha hun.

Thank you


BHangarh Fort Images

When click these images in Day and Night after 0000hrs:

  • A few images of day

  • Fort Photo of late night

Customize the look of your media by making it widescreen or small and easily align media inside your posts.




Love to #Travel? Good news!

(#adventurethrills #activities #fear)


Faridabad, Haryana

Tel: 9990999579

Tel: 9990909579

info@adventurethrills.in

Adventure Thrills © 2016.

  • Black Facebook Icon
  • Black Google+ Icon
  • Black YouTube Icon
  • Black Pinterest Icon
  • Black Instagram Icon