Morning running ki dashtan

Year 2009

Main apne nationals volleyball tournament ke liye prepare kar raha tha, daily ka routine tha subha 0400 hrs uthna vo bhi bina alarms ke or fresh hoke running ke liye nikaal jana yehi routine chal raha tha, ek din jo hua usse main khud kaamp gaya.

Ek din daily ki tarha aankhen khuli, routine tha watch na dekhna ka or bus main fresh hoke nikal jaata hun running ke liye, ek location fix thi jahan main daily jaaya karta tha or wahan raste main mujhe bhoot saare log milte the kuch log road par yoga kar rahe hote the kuch log walk or kuch log exercise kar rahe hote the, to main us din kya dekhta hun ki 1 bhi banda nahi milta par main fir bhi main running karta raha or raste ke beach main ek jagha aisi bhi aati thi jo kaafi saalo se haunted thi but log jaane lage to thoda logo ka dar hat gaya tha,

Jaise hi main us jagha par pahucha to ek budha aadmi jisne white color ka kurta, dhooti or saapa pehna hua tha or white color ki hi beard thi or vo mujhse takreeban 1 se 1.5 feet lamba tha use dekhke mere dimaag main aaya ki bhoot lamba aadmi hai kyuki meri height 6 feet 4 inches hai,

Fir use cross karke aage badhta hun fir kuch kadam aage badhte hi ek waisa hi aadmi mere side se nikalta hai or fir mere dimaag main aata hai ki aaj tak 1 lamba aadmi nahi mila or aaj do do mil gaye ab tak mere dimaag main koi doubt nahi hua ki kuch oor bhi ho sakta hai fir kuch kadam aage badhte hi mujhe 1 or waisa hi aadmi dikhayi deta hai or jaise hi meri najro ne use dekha mere pasine chuut gaye or saans ruk gaayi fir mere kadam fatak se wapas mude or goli ki speed se ghar pahucha, ghar pahuchne tak na to ruka or na hi piche mudke dekha, maine ghar pahuchte hi time dekha to time 0308hrs ho raha tha fir takreeban 3-4 mahine us raste par nahi gaya

Thank you